تاسيس 1300 هـ . ق
اربعين نوحه سي

شاماتده سالدیم باشا سودای زیارت

بیر قافله گتدیم هامی ارباب محبّت

دور قافله ي عشقدی اعزاز ایله قارداش

هیهات بو زوّار اولا پیشواز ایله قارداش

قبرون نئچه مدّتدی باشیمدیدی هواسی

هر شام و سحر نی کیمی ديلدیدی نواسی

بوردیدی بولوردوم هامونین درده دواسی

بو قانه دونن گوگلومه لطف ایله صفا ویر

بیمارو وم آخر منه دور خاک شفا وئر

یالقیز نه فقط زینب مظلومه دی بیمار

بیماردی هر قدر منه همره اولان وار

بیر قافله بیماریوه بیمار پرستار

بیمار سنون درد سنون چاره سنوندور

بو جمع پریشاندل و آواره سنوندور

ای قبری سالان حیرته هر قلب سلیمی

محو ایلین انوارینه مین لرله کلیمی

اعلام ایلین قدرت خلاق علیمی

بو نور اوجالان قبر مگر طوردی قارداش

نه تک منه عالم لره منظوردی قارداش

ای مرقد شش گوشه سی عالمده یگانه

عطری یارادان حسرت دل عطر جنانه

غبطه آپارور عرش خدا فرشیوه یا نه

عرشین هانی شأنینده بیله رفعت اولیدی

سن کشته عشقه دولانیب تربت اولیدی

عشق اوسته یاراتموش سنی خلّاق محبّت

تک عشقدی یالقز سنه آب گل خلقت

سنسن گر اولا جوهره عشق و حقیقت

ای عشق و محبّت سر کویونده ملازم

سن اولمیه سن عشق و محبت نیه لازم

چوخلار قویوب عالمده قدم جاده عشقه

چوخلار اوزادوب همّت الین باده عشقه

تا رنجه قدم ایلدون آباده عشقه

عشق اوسته گیدن قافلدن جاده بوشالدی

قانلو لب لعلون اپن باده بوشالدی

هر ساغر غم لر د دولسیدی باشا چکدون

عالمده اولان سر خطه خط بیر باشا چکدون

تا کعبه آمالیمیزی داغ داشا چکدون

بو کعببه ده اولاد خلیلون گوزی واردي

بیر آیدی کی مین کعبه کیمی اولدوزی واردی

بو کعبه آمالیده ای غایت آمال

آمال بر آورده دی مقبولدی اعمال

ایام طوافی شب و روز و مه هر سال

مدفونی نه لازم دیوله ذات خدادی

بسدور کی زیاراتی زیارات خدادی

بیر رونقی وار روضه وین ای روضه ي رضوان

ای رونق بازاری جنان حوری و غيلمان

مشتاقدی بو روضیه خازن اولا رضوان

روضنده سنون ای گل گلزار بهشتی

بی رونق اولار صحبت بازار بهشتی

دل مرده لری زنده ایدر نکهت قلبون

بیر تازه روان جانه ویرور نزهت قبرون

مین چشمه حیوانه دگر تربت قبرون

باشدان ایاقا خون مقطردی بو تربت

پیغمبرین عطریله معطردی بو تربت

                ( مرحوم استاد ذهني زاده )

*******************

بروی بستگان رشته بیداد بیدادان

بشام آخر در مسدود آزادی فراز آمد

چو زلف خویش با جمعی سیه روز پریشاندل

سر قبر برادر دختر شاه حجاز آمد

دُر کنز وفا و گوهر بحر ولا زینب

پی اظهار درد دل بخلوتگاه راز آمد

          ( مرحوم استاد عابد )

 
صفحه نخست
پست الکترونیک
آرشیو
درباره وبلاگ
هیئت زنجیر زنان
یا فاطمه الزهراء (س)
کوچه باغ تبریز

 

 RSS

POWERED BY
BLOGFA.COM